Տավուշի մարզպետի աշխատակազմ

  Այսօր հաշմանդամություն ունեցող անձանց հարցերով զբաղվող Տավուշի մարզային հանձնաժողովի նիստին մարզպետի տեղակալ Թաթուլ Ստեփանյանն անդրադարձավ հաշմանդամություն ունեցող անձանց առողջապահական, սոցիալական, զբաղվածության հիմնախնդիրների լուծման նպատակով շահագրգիռ պետական մարմինների և հասարակության ակտիվ խմբերի, այդ թվում նաև հասարակական կազմակերպությունների համագործակցված աշխատանքի կազմակերպմանը, առաջարկեց ներկայացնել առանցքային խնդիրները։ Նիստի մասնակիցները ներկայացրին ու դիտարկեցին մեկ տասնյակից ավելի առանցքային խնդիրներ, այդ թվում հանրային շինությունների և մատուցվող ծառայությունների մատչելիություն, վերականգնողական կենտրոնի ստեղծում, զբաղվածության խնդրի լուծում, քաղաքաշինության ոլորտում նորմատիվային պահանջների բավարարում և այլն, որոնց լուծմանը պիտի ուղղորդվեն բոլորի ջանքերը։