Տավուշի մարզպետի աշխատակազմ

   Այսօր Տավուշի մարզպետարանում համայնքների ղեկավարների և մարզպետարանի պատասխանատուների մասնակցությամբ, ովքեր ըստ հաստատված ժամանակացույցի աշխատելու են համայնքների տեղամասերում, քննարկվեցին հունիսի 8-ի համապետական շաբաթօրյակի հետ կապված կազմակերպչական հարցեր։ Քննարկումը վարեց մարզպետի տեղակալ Թաթուլ Ստեփանյանը։ Ներկայացվեց մարզպետարանի պաշտոնական կայքում և ֆեյսբուքյան էջում տեղադրված քարտեզը, որտեղ ըստ համայնքների նշված են իրականացվելիք աշխատանքների տեսակներն ու ծավալները, մարդկային ռեսուրսի ներգրավվածությունը, կիրառվող տեխնիկայի և գործիքների քանակը։ Արվեցին շաբաթօրյակի արդյունավետությունը բարձրացնելուն ուղղված մի շարք առաջարկներ: Տեղեկացվեց, որ շաբաթօրյակի օրը գործելու է նաև թեժ գիծ /093/ 11-07-49 հեռախոսահամարով, որով ժամը 11։00-ին, 13։00-ին և 15։00-ին պետք է հաղորդում տալ շաբաթօրյակի ընթացքի մասին։