Տավուշի մարզպետի աշխատակազմ

Օրերս ՀՀ փոխվարչապետ Տիգրան Ավինյանի մոտ կայացած` սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի նիստի ընթացքում Տավուշի մարզից ներկայացված ծրագրերից քննարկվել և հավանության են արժանացել չորսը: Պետություն-համայնք-մասնավոր համագործակցության արդյունքում կիրագործվեն Այրում համայնքի «Այրում խոշորացված համայնքին պատկանող բազմաբնակարան անավարտ շենքի տանիքի մի հատվածի /250 քմ / կառուցում», Ազատամուտ համայնքի «Համայնքապետարանի շենքի ձեռքբերում», Բերդ համայնքի «Նորաշեն-Մովսես 7.5 կմ ավտոճանապարհի հիմնանորոգում» և Գետահովիտ համայնքի «6-րդ փողոցի հենապատի վերակառուցում և արտաքին կոյուղագծի վերակառուցում» ծրագրերը: Վերոնշյալ համայնքների ղեկավարներին առաջարկվել է, ՀՀ օրենսդրությամբ սահմանված կարգով, հայտարարել ծրագրերի իրականացման մրցույթները: