Տավուշի մարզպետի աշխատակազմ

  Կանանց միամսյակին էր նվիրված Տավուշի մարզպետարանի մեծ դահլիճում կազմակերպված տոնական համերգը, որը նախաձեռնել էր մոսկվաբնակ բարերար, ճանաչված հեռուստահաղորդավար Ռոման Բաղդասարյանը՝ աջակցությամբ Տավուշի մարզպետարանի և Արմինե Թումանյանի: Համերգին ներկա էին Տավուշի մարզպետ Հայկ Չոբանյանը տիկնոջ հետ, Տավուշի թեմի առաջնորդ Բագրատ եպիսկոպոս Գալստանյանը, բազմաթիվ հյուրեր, հրավիրյալներ մարզի բոլոր համայնքներից: Համերգային հարուստ ծրագիրը վարեց Ռոման Բաղդասարյանը: Ելույթներ ունեցան ճանաչված երգիչներ Սոնա Շահգելդյանը, Արսեն Ստեփանյանը, Վիրաբ Վիրաբյանը, «Նուբար» ավանդական երգի-պարի համույթը: Ծրագրում ընդգրկվել էին նաև Իջևանի և Այգեհովիտի երաժշտական դպրոցների սաներ Գոռ Հարությունյանի և Արև Չոբանյանի ելույթները: Համերգի ավարտին կանանց տոների առթիվ ծաղիկներ մատուցվեցին որդեկորույս մայրերին: