Տավուշի մարզպետի աշխատակազմ

  Իջևանի երաժշտական դպրոցի դահլիճում այսօր տեղի ունեցավ քաղաքի աղբահանության ու սանմաքրման աշխատանքներին վերաբերող հերթական քննարկումը, որը վարեցին մարզպետարանի քաղաքաշինության վարչության առաջատար մասնագետ Արմեն Ճաղարյանը և քաղաքապետարանի սանմաքրման աշխատանքների պատասխանատու Վահագն Թամրազյանը: Ներկայացվեցին նախորդ հանդիպումից հետո ընկած ժամանակահատվածում իրականացված աշխատանքները, արձանագրվեցին նոր առաջարկությունները, որոնց կատարմանը կանդրադառնան հաջորդ քննարկմանը: Առաջարկությունների թվում կարևորվեց հատկապես նախընտրական քարոզչական պաստառները շենքերի պատերից, փողոցներից մաքրելու հարցը: