Տեղեկատվական կենտրոն
Նորություններ
<<Մշակութային ստուգատես>>
27.12.2018
Այսօր Տավուշի մարզպետարանում կայացել է <<Մշակութային ստուգատես>> ամանորյա միջոցառումը՝ կազմակերպված մարզպետարանի կրթության, մշակույթի և սպորտի վարչության նախաձեռնությամբ: Միջոցառման նպատակն էր խրախուսել մարզում գործող համայնքային ենթակայության արվեստի կրթօջախների սաներին, ովքեր տարվա ընթացքում ձեռքբերումներ են ունեցել, տարբեր մշակութային փառատոններից, ստուգատեսներից տուն են վերադարձել մրցանակներով կամ պատվոգրերով ու շնորհակալագրերով: Միջոցառմանը ներկա է եղել Տավուշի մարզպետի տեղակալ Տիգրան Թամրազյանը, մասնակիցներին ողջունել է մարզպետարանի կրթության, մշակույթի, սպորտի վարչության պետ Մանե Ղազումյանը:
Ավարտին, մասնակից երեխաները, որոնք հանդիսատեսին մեծ բավականություն են պարգևել իրենց ելույթներով, վիճակահանությամբ ամանորյա նվերներ են ստացել: