Տավուշի մարզպետի աշխատակազմ

Այսօր Տավուշի մարզպետ Վահե Ղալումյանն այցելել է Իջևանի բժշկական կենտրոն՝ տեսակցելու գիշերը Երևան-Իջևան-Նոյեմբերյան ճանապարհի 140-րդ կմ հատվածում տեղի ունեցած խոշոր ավտովթարից տուժածներին: Վթարի ժամանակ բախվել են 26-ամյա վարորդի BMV-ն և 39-ամյա վարորդի վիլիս մակնիշի ավտոմեքենան, ինչի հետևանքով վարորդները և նրանց ուղևորները՝ ընդհանուր թվով 6 հոգի, մարմնական տարբեր աստիճանի վնասվածքներով, տեղափոխվել են Իջևանի բժշկական կենտրոն: Նրանցից 1-ը 8-ամյա երեխա է, որը գանգուղեղային վնասվածքի կասկածով տեղափոխվել է Երևան: Մյուսներին ցուցաբերվել է համապատասխան պատշաճ բժշկական օգնություն: Երկուսը բավականին լուրջ վնասվածքներով են եղել, վիրահատվել են, հիմա գտնվում են կայուն ծանր վիճակում, սակայն դրական դինամիկայով: Նրանցից մեկը նույնպես տեղափոխվել է Երևան: Մյուսները կամ շարունակում են բուժ օգնություն ստանալ կամ արդեն այն ստանալով՝ դուրս են գրվել: Մարզպետ Վահե Ղալումյանը հետաքրքրվել է վթարի ենթարկվածների վիճակով: Առաջարկել է իր հնարավոր աջակցությունը նրանց: