Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հերթական աշխատանքային խորհրդակցությունում
17.12.2018
Այսօր՝ դեկտեմբերի 17-ին, Տավուշի մարզպետ Վահե Ղալումյանն անց է կացրել հերթական աշխատանքային խորհրդակցությունը, որին ներկա են եղել մարզպետի տեղակալները, մարզպետարանի գլխավոր քարտուղարը և ստորաբաժանումների ներկայացուցիչները: Մարզպետի կողմից ճշտվել է նախորդ շաբաթվա ընթացքում տրված հանձնարարականների կատարման ընթացքը: Մասնավորապես, մարզպետարանի զարգացման ծրագրերի, զբոսաշրջության և վերլուծության բաժնի վարիչ Գուրգեն Հարությունյանը ներկայացրել է տեղեկատվություն ,,ՀիմնաՏավուշ,, հիմնադրամի կողմից համայնքներում կառուցված մինի ֆերմաների ուսումնասիրությունների վերաբերյալ: Ճանապարհների աղբահանության կազմակերպման վերաբերյալ հանձնարարականներ են ստացել նաև քաղաքաշինության վարչության համապատասխան մասնագետները: Մարզպետը հանձնարարել է այդ խնդրի լուծման նպատակով խիստ համագործակցել համայնքների ղեկավարների և սպասարկող կազմակերպությունների հետ, ուժեղացնել վերահսկողությունը: Մարզպետարանի գլխավոր քարտուղար Արման Գևորգյանին մարզպետը հանձնարարել է առավել ուշադիր լինել քաղաքացիներից ստացված դիմումների պատասխանների նկատմամբ՝ դրանք ձևակերպելով հստակ և հանգամանալից:
