Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տավուշի մարզպետ Վահե Ղալումյանն այցելել է Ֆրանկոֆոնիայի ավան
10.10.2018
Ֆրանկոֆոնիայի գագաթաժողովի շրջանակներում Երևանի Ազատության հրապարակում գործում է Ֆրանկոֆոնիայի ավանը, որտեղ Ֆրանկոֆոնիայի միջազգային կազմակերպության անդամ շուրջ 30 պետություններ առանձին տաղավարներով ներկայացնում են իրենց ազգային մշակույթը՝ ցուցահանդես-վաճառք ձևաչափով: Ֆրանկոֆոնիայի ավանում բացվել է նաև Հայաստանի տաղավարը, որտեղ ներկայացված են ՀՀ բոլոր մարզերի և Արցախի մշակույթը, պատմությունը, տարազն ու բարիքները, ազգային խոհանոցի, գյուղատնտեսական արտադրանքների, արհեստագործական աշխատանքների առանձնահատկությունները։
Տավուշի մարզի տաղավարում ներկայացված են տարածաշրջանին հատուկ գինեգործության, փայտի փորագրության, արտադրվող գյուղմթերքների նմուշներ: Ֆրանկոֆոնիայի ավան է այցելել Տավուշի մարզպետ Վահե Ղալումյանը, ծանոթացել ինչպես ֆրանկոֆոն տարբեր երկրների մշակույթն ու կենցաղը ներկայացնող ցուցանմուշներին, այնպես էլ Տավուշի մարզը ներկայացնող ցուցադրությանը:
