Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ֆրանկոֆոնիայի ավանում Տավուշի մարզը ներկայացել է մարզին բնորոշ ցուցանմուշներով
09.10.2018
Հոկտեմբերի 7-ին Ֆրանկոֆոնիայի միջազգային կազմակերպության խորհրդի նիստով մեկնարկել է Ֆրանկոֆոնիայի 17-րդ համաժողովը: Համաժողովի շրջանակներում Երեւանում գործող Ֆրանկոֆոնիայի ավանում բացվել է նաև Հայաստանի տաղավարը, որտեղ ներկայացվել են ՀՀ բոլոր մարզերի և Արցախի մշակույթը, պատմությունը, տարազն ու բարիքները, ազգային խոհանոցի, գյուղատնտեսական արտադրանքների, արհեստագործական աշխատանքների առանձնահատկությունները։ Ավանի նպատակն է ներկայացնել Ֆրանկոֆոնիայի միջազգային կազմակերպության մշակութային բազմազանությունը, որը նաև երևանյան գագաթնաժողովի օրակարգի կարևոր թեմաներից է։ Մասնակիցներին հատկացված տաղավարների միջոցով հնարավորություն է ընձեռվել ցուցադրելու ֆրանկոֆոն երկրների մշակույթն ու կենցաղը: Այս տարի Ֆրանկոֆոնիայի ավանն անցկացվում է «Ապրել ու ստեղծել միասին» կարգախոսով: Ներկայացվում են մասնակից երկրների մշակութային և լեզվական ողջ բազմազանությունը, զբոսաշրջային հնարավորությունները, արվեստն ու մշակույթը:
Տավուշի մարզի տաղավարում ներկայացվել են տարածաշրջանին հատուկ գինեգործության, փայտի փորագրության, արտադրվող գյուղմթերքների նմուշներ: Տավուշի մարզի տաղավար է այցելել ՀՀ տարածքային կառավարման և զարգացման նախարար Սուրեն Պապիկյանը, ծանոթացել մարզին բնորոշ ցուցանմուշներին:
