Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
180 տնտեսություն արդեն կարող է օգտվել կապույտ վառելիքից
26.09.2018
Տավուշի մարզի Ոսկեպար գյուղը, որ հիմա Նոյեմբերյան խոշորացված համայնքի բնակավայրերից է, տարիներ ի վեր չէր կարողանում օգտվել բնական գազից: Պետական միջոցներով գազը հասցվել էր Ոսկեպար, սակայն սահմանապահ գյուղի տնտեսությունների համար շատ թանկ հաճույք էր այն ունենալ իրենց բնակարաններում: Իմանալով հայրենակիցների խնդրի մասին, ոսկեպարցիներին օգնության ձեռք է մեկնել, ռուսաստանաբնակ Յուրիկ Աղբալյանը: Նրա կողմից Գազպրոմ Հայաստանին վճարվել է մոը 40 մլն դրամ, որի դիմաց այս օրերին գյուղում աշխատանքներ են տարվում բնական գազը բնակարանները հասցնելու նպատակով: Ավարտից հետո Ոսկեպարում փաստացի բնակվող 180 տնտեսություն արդեն կարող է օգտվել կապույտ վառելիքից: Ոսկեպարի վարչական ներկայացուցիչ Սերոբ Մախսուդյանը տեղեկացրեց նաև, որ դա Յուրիկ Աղբալյանի առաջին աշխատանքը չէ համայնքում, նա հայրենի գյուղի համար նաև հանդիսությունների սրահ է կառուցել:
