Տեղեկատվական կենտրոն
Նորություններ
Մարզպետ Վահե Ղալումյանը ծանոթացել է Բերդավանի գինու գործարանի արտադրական գործընթացին
27.08.2018
Տավուշի մարզպետ Վահե Ղալումյանն այցելել է Բերդավանի գինու գործարան, ծանոթացել արտադրական գործընթացին, պահածոների արտադրությանը, խաղողի ընդունման և վերամշակման նախապատրաստական աշխատանքներին: ,,Բերդավանի գինու գործարան,, ԲԲԸ-ի գործադիր տնօրեն Գագիկ Աղաբաբյանը մարզպետին է ներկայացրել տեղեկատվություն ընդունվող խաղողի քանակության, խաղողի ընդունման նախատեսվող գների, ինչպես նաև պահածոների արտադրության համար ընդունվող այլ գյուղատնտեսական մթերքների վերաբերյալ, նշել, որ բացի խաղողից գործարանն ընդունում է նաև տարբեր տեսակի մրգեր, հատապտուղներ, բանջարեղեն: Հանդիպման ընթացքում անդրադարձ է եղել նաև գործարանի տեխնիկական վիճակին և վերազինմանը: Մարզպետը հավաստիացրել է, որ Տավուշի մարզպետարանը և ՀՀ կառավարությունը հնարավորինս կաջակցեն գործարանի տեխնիկական վերազինմանն ու հետագա հնարավոր աշխատանքներին: Գործարանում կատարվել է նաև պատրաստի արտադրանքի համտեսում, որը բարձր գնահատականի է արժանացել մարզպետի և նրան ուղեկցող անձանց կողմից: Առաջարկվել է մարզպետարանի օժանդակությամբ գյուղապետարանների հետ համատեղ աշխատանքի համապատասխան ծրագիր կազմել: