Տավուշի մարզպետի աշխատակազմ

  Այսօր Հաղարծինի գյուղապետարանում ՀՀ Տավուշի մարզպետ Վահե Ղալումյանը քննարում է ունեցել համայնքի ղեկավարի, վարչական ներկայացուցչի, ավագանու անդամների և գյուղի ակտիվ բնակիչների մասնակցությամբ: Քննարկումն ընթացել է օգոստոսի 11-ին Հաղարծինի 200-ամյակին նվիրված տոնակատարության ժամանակ ՀՀ վարչապետ Նիկոլ Փաշինյանի խոստացած 140 հազար դոլար արժողությամբ բնապահպանական դրամաշնորհային նոր ծրագրի շուրջ: Քննարկման մասնակիցները ներկայացրել են իրենց տեսակետներն ու կարծիքները: Մարզպետն առաջարկել է ներկայացնել իրատեսական և նորարարական բիզնես ծրագրեր, այդ թվում՝ զբոսաշրջության և բնապահպանության ոլորտներում և ներդրումներ կատարելու նպատակով ծրագրի իրականացմանը մասնակից դարձնել Հայաստանում և արտերկրում ապրող գործարար հաղարծինցիների, նաև նշել, որ քննարկումը շարունակական է լինելու, և վստահ է, որ հաջորդ հանդիպմանն արդեն կխոսեն կոնկրետ ծրագրերի մասին: