Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վահե Ղալումյանն աշխատանքային այցով եղել է Տավուշի պահածոների գործարանում
14.08.2018
Օգոստոսի 13-ին ՀՀ Տավուշի մարզպետ Վահե Ղալումյանն աշխատանքային այցով եղել է Տավուշի պահածոների գործարանում, որը տեղակայված է Վարագավան գյուղում: Երբեմնի համբավ ունեցող պահածոների գործարանն արդեն 4 տարի է չի աշխատում, սակայն այսօր տնօրինությունը մտածում է դրա գործարկման մասին, եթե կառավարության կողմից համապատասխան աջակցություն լինի: Այս մասին հարց էր բարձրացրել նաև բնակավայրի վարչական ներկայացուցիչը, երբ տարածաշրջանում էր գտնվում ՀՀ վարչապետ Նիկոլ Փաշինյանը: Ի պատասխան կառավարության ղեկավարը նշել էր, որ այդ կարգի նախաձեռնություններին միանշանակ աջակցելու են: Մարզպետ Վահե Ղալումյանը ծանոթացել է գործարանի արտադրական հնարավորություններին, տեղում քննարկել է վերագործարկման հետ կապված դժվարություններն ու առկա խնդիրները, որոնք համապատասխանաբար կներկայացվեն ՀՀ կառավարություն:
