Տեղեկատվական կենտրոն
Նորություններ
Երիտասարդության միջազգային օրվան նվիրված կոնֆերանս մարզկենտրոն Իջևանում
13.08.2018
Օգոստոսի 12-ին Երիտասարդության միջազգային օրվան նվիրված կոնֆերանս էր կազմակերպվել մարզկենտրոն Իջևանում: Կոնֆերանսի անցկացումը նախաձեռնել էր Եվրասիա համագործակցություն հիմնադրամի հյուսիսային մասնաճյուղը ՄԱԿ-ի Բնակչության հիմնադրամի հետ համատեղ: ,,Երիտասարդական հնարավորություններ,, խորագիրը կրող կոնֆերանսն անցկացվեց Տավուշի մարզպետարանի նիստերի մեծ դահլիճում: Եվրասիա համագործակցություն հիմնադրամի հյուսիսային մասնաճյուղի համակարգող Վարսիկ Ներկարարյանի բացման խոսքից հետո կոնֆերանսի աշխատանքները ողջունեց ՀՀ կրթության և գիտության նախարար Արայիկ Հարությունյանը՝ մաղթելով արդյունավետ ու բեղմնավոր աշխատանք: Կոնֆերանսի մասնակիցներին ողջունեցին նաև ՀՀ սպորտի և երիտասարդության հարցերի նախարարի տեղակալ Քրիստինե Ասատրյանը, ՀՀ տարածքային կառավարման և զարգացման նախարարի տեղակալ Դավիթ Գևորգյանը և ՄԱԿ-ի Բնակչության հիմնադրամի գործադիր ներկայացուցիչ Ծովինար Հարությունյանը: Կոնֆերանսի ընթացքում ներկայացվեցին միջազգային և տեղական կրթական, փորձառության, աշխատանքի և այլ հնարավորությունները, որոնց շուրջ էլ երիտասարդները ծավալեցին ակտիվ քննարկում, առաջարկեցին իրենց հնարավորությունները: