Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Նիկոլ Փաշինյանն անդրադարձել է համայնքների խոշորացման խնդրին

10.08.2018

ՀՀ վարչապետ Նիկոլ Փաշինյանը Տավուշի մարզ կատարած այցի ընթացքում անդրադարձել է համայնքների խոշորացմանը:  Նիկոլ Փաշինյանն ինքնակառավարման մարմինների ներկայացուցիչների հետ հանդիպման ժամանակ նշել է, որ համայնքների խոշորացման հետ կապված՝ կառավարությունն ունի հետևյալ դիրքորոշումը:

«Մենք հիմա այս փուլում ունենք բազմաթիվ խոշորացված համայնքներ, ոչ ոք մեր հետևից չի ընկել, եթե նույնիսկ ընկել է, ապա մենք չենք փախչում: Նախ՝ մենք պետք է տեսնենք, թե համայնքների խոշորացման արդյունքներն ինչպիսին են: Մենք ասելով՝ նկատի ունեմ կառավարությունը, տեղական ինքնակառավարման մարմինները, բնակչությունը: Ընդհանրապես լավ պրակտիկա չէ, երբ կառավարությունն առանց մարդկանց կարծիքը հաշվի առնելու, ապացուցելու է ինչ-որ բան անում: Մենք կարող ենք համոզված լինել ինչ-որ հարցում, այդ դեպքում պետք է օգնել, որ բնակիչներն էլ համոզվեն»,-ասաց Նիկոլ Փաշինյանը:

ՀՀ վարչապետը նշեց, որ այս փուլում միջազգային կառույցների հետ պետք է աշխատել խոշորացված համայնքներում, ցույց տալ իրական արդյունքներ, այլ համայնքներին էլ հրավիրել դրանք տեսնելու, որպեսզի հասկանան, թե այդ փոփոխություններն ինչ են ենթադրում:

«Մենք ժողովրդավարական ճանապարհով պետք է գնանք, մարդկանց հետ խոսենք, փաստարկներ ներկայացնենք: Այո, կան ազդակներ, որ խոշորացումը կարող է ստացվել, սակայն դրանք իրենց երկարատևությունը դեռ չեն ապացուցել»,-ասաց վարչապետը:

Նյութի աղբյուրը՝ Արմենպրեսս

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 15:32:26