Տավուշի մարզպետի աշխատակազմ

  Եվրասիա համագործակցություն հիմնադրամի հյուսիսային մասնաճյուղը ՄԱԿ-ի Բնակչության հիմնադրամի հետ համատեղ ս/թ օգոստոսի 12-ին Իջևան քաղաքում կազմակերպում է «Երիտասարդական հնարավորություններ» խորագիրը կրող կոնֆերանս՝ նվիրված Երիտասարդության միջազգային օրվան: Կոնֆերանսի նպատակն է Տավուշի մարզի երիտասարդներին ներկայացնել միջազգային և տեղական կրթական, փորձառության, աշխատանքի և այլ երիտասարդական հնարավորություններ:
 Կոնֆերանսը կանցկացվի Տավուշի մարզպետարանի նիստերի մեծ դահլիճում ժամը 15:00-18:00-ը: Կոնֆերանսին մասնակից կազմակերպությունների և նրանց կողմից առաջարկվող հնարավորությունների մասին իմանալու համար կարող եք հետևել Իջևանի ինֆոտան գրառումներին: Տեղեկացնենք նաև, որ կոնֆերանսն օրվա միջոցառումներից միայն մեկն է, և կոնֆերանսին նախորդելու, ինչպես նաև հաջորդելու են բազմաթիվ այլ միջոցառումներ: Օրվա միջոցառումների մասին իմանալու համար նույնպես կարող եք հետևել ինֆոտան գրառումներին: