Տավուշի մարզպետի աշխատակազմ

  Այսօր Տավուշի մարզպետարանում տեղի ունեցավ հաշմանդամություն ունեցող անձանց հարցերով զբաղվող ՀՀ Տավուշի մարզային հանձնաժողովի նիստը, որին մասնակցում էին հաձնաժողովի անդամները, հասարակական կազմակերպությունների ու համայնքապետարանների, բուժհաստատությունների ներկայացուցիչներ: Նիստը բացեց մարզպետի տեղակալ Լևոն Սարգսյանը: Այնուհետև օրակարգի առաջին հարցով մարզպետարանի աշխատակազմի առողջապահության և սոցիալական ապահովության վարչության գլխավոր մասնագետ, հանձնաժողովի քարտուղար Նարինե Ճաղարյանը ներկայացրեց ,,ՀՀ կառավարության 2017թ. սեպտեմբերի 28-ի թիվ 41 արձանագրային որոշմամբ հաստատված ,,Հաշմանդամություն ունեցող անձանց սոցիալական ներառման 2018 թվականի տարեկան ծրագիրը,, , անդրադարձավ նաև առաջիկա միջոցառումների իրականացման հետ կապված հարցերին: Հաջորդիվ ,,Անվճար կամ արտոնյալ պայմաններով դեղերի հատկացման գործընթացի թափանցիկության բարձրացում ի նպաստ հաշամանդամություն ունեցողների,, ծրագրի շրջանակներում իրականացված մոնիտորինգի արդյունքները ներկայացրին ,,Լուսաստղ,, բարեգործական հասարակական կազմակերպության ղեկավար Անի Գաբրիելյանը և ծրագրի փորձագետ Արթուր Սուքիասյանը: Զեկուցողները նշեցին, որ ծրագրի հիմնական նպատակը անվճար կամ արտոնյալ պայմաններով դեղերի հատկացման գործընթացի արդյունավետության բարձրացմամբ խոցելի խմբերի առողջության պահպանմանը նպաստելն է: Իսկ ծրագիրը կյանքի կոչելու համար հիմք են հանդիսացել պետպատվերի շրջանակներում ձեռք բերվող դեղերի տրամադրման գործընթացի վերաբերյալ շահառուների պարբերաբար դժգոհությունները: Մոնիտորինգն իրականացվել է ԱՄՆ ՄԶԳ ֆինանսավորմամբ ,,Թրանսփարենսի Ինթերնեշնլ հակակոռուպցիոն կենտրոն,, ՀԿ-ի ,,Պահանջատեր հասարակություն՝ հանուն պատասխանատու կառավարման,, ծրագրի դրամաշնորհի շրջանակում: Նիստի ավարտին ներկայացված հարցերի շուրջ ծավալվեց ակտիվ քննարկում: