Տեղեկատվական կենտրոն
Նորություններ
Ամփոփվել են համապետական 4-րդ շաբաթօրյակի արդյունքները
16.04.2018
<<Մաքուր Հայաստան>> ծրագրի շրջանակներում ապրիլի 14-ին տեղի է ունեցել համապետական 4-րդ շաբաթօրյակը: Չնայած ոչ բարենպաստ եղանակին, Տավուշի մարզում շաբաթօրյակին բավականին ակտիվ մասնակցություն են ունեցել բոլոր համայնքներն ու բնակավայրերը, մարզային և համայնքային ենթակայության կազմակերպություններն ու հանրապետական գործադիր մարմինների տարածքային ստորաբաժանումները, հասարակական կազմակերպություններն ու անհատ մարդիկ: Ընդհանուր առմամբ, շաբաթօրյակի աշխատանքներին մասնակցել է 190 կազմակերպություն, 5800 մարդ, օգտագործվել է 90 միավոր տեխնիկա և 3500 միավոր գործիք: Աշխատանքները համակարգելու նպատակով ողջ օրվա ընթացքում ՀՀ Տավուշի մարզպետարանում գործել է թեժ գիծ, իսկ նախապես նշված էլեկտրոնային հասցեով պարբերաբար տեղեկատվություն է ստացվել կատարվող աշխատանքների ընթացքի վերաբերյալ: