Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ռեգեն-Տավուշ. հերթական հանդիպումը
11.04.2018
Ապրիլի 10-ին Տավուշի մարզի Դիլիջան քաղաքում հերթական հանդիպումն է տեղի ունեցել մարզի և Գերմանիայի Դաշնության Բավարիայի երկրամասի Ռեգենի տարածաշրջանի ներկայացուցիչների միջև: Ինչպես հայտնի է, այս երկու տարածաշրջանների համագործակցությունն արդեն տարիների պատմություն ունի, տարբեր ժամանակներում եղել են փոխայցելություններ, իրականացվել են բազմաթիվ համատեղ ծրագրեր: Համագործակցությունը հիմնականում կրթության, տուրիզմի, աղբահանության կազմակերպման ոլորտների շրջանակներում է:
Հանդիպման հենց սկզբում Տավուշի մարզպետի տեղակալ Լևոն Սարգսյանը մարզպետ Հովիկ Աբովյանի և անձամբ իր անունից ողջունել է Ռեգենի շրջանի ժողովրդական բարձրագույն դպրոցի տնօրեն Հերբերտ Ունաշին, շնորհակալություն հայտնել արդեն բարեհաջող իրականացված ծրագրերի համար, միևնույն ժամանակ նա հույս է հայտնել, որ այսուհետ նախաձեռնվող ծրագրերն ավելի մեծ աշխարhագրություն կունենան և կընդգրկեն ոչ միայն Իջևանի ու Դիլիջանի տարածաշրջանները, այլև՝ Բերդի ու Նոյեմբերյանի: Հերբերտ Ունաշը նույնպես դրական գնահատական է հնչեցրել կատարված աշխատանքների վերաբերյալ՝ փոխանցելով նաև իր գործընկերների կարծիքները: Որոշակի պայմանավորվածություններ են ձեռք բերվել առաջիկայում նախատեսված աշխատանքների վերաբերյալ, որոնց իր գործուն աջակցությունն է հայտնել նաև Դիլիջանի քաղաքապետ Արմեն Սանթրոսյանը:
