Տեղեկատվական կենտրոն
Նորություններ
Բանավեճի ակումբի սաները այցելել են ՄԱԿ-ի գրասենյակ
04.04.2018
Բանավեճի ակումբի գործունեությունը Սևքարի միջնակարգ դպրոցի կարևոր օղակներից է: «Վորլդ Վիժն Ինթերնեյշնլ» միջազգային բարեգործական կազմակերպության աջակցությամբ օրերս բանավեճի հերթական միջդպրոցական մրցույթում ակումբի սաները բարձր միավորներով հաղթել են Իջևանի թիվ 1 հիմնական դպրոցի թիմին և հնարավորություն ստացել այցելելու ՄԱԿ-ի գրասենյակ և մասնակցելու այնտեղ կազմակերպված դասընթացին, որի նպատակը հանրապետության տարբեր դպրոցների բանավեճի ակումբների միջև համագործակցության ամրապնդումն էր: Տավուշի մարզից ՄԱԿ-ի գրասենյակ այցելած 5 հոգանոց խմբում ընդգրկվել էին նաև Իջևանի թիվ 1 հիմնական դպրոցի բանավեճի ակումբի 2 լավագույն սաներ:
Առաջիկայում մայրաքաղաք Երևանում կկայանա բանավեճի ակումբի հանրապետական փուլը, որտեղ Տավուշի մարզը կներկայանա հավաքական թիմով՝ 3 աշակերտ Սևքարի դպրոցից և 2-ը՝ Իջևանի թիվ 1 դպրոցից: