Տավուշի մարզպետի աշխատակազմ

Այսօր ՀՀ Տավուշի մարզպետի տեղակալ Լևոն Սարգսյանը և ՀՀ ԶՈՒ ԳՇ օպերատիվ վարչության խմբի պետ, գնդապետ Սամվել Ասատրյանը համատեղ քննարկեցին զինված ուժերի և համայնքային փոխգործակցության խնդիրները արտակարգ իրավիճակների ժամանակ: Մարզպետի տեղակալը ներկայացրեց արտակարգ իրավիճակների ժամանակ մարզի կողմից իրականացվող աշխատանքները և զինված ուժերի հետ փոխգործակցության խնդիրները: Գնդապետ Ասատրյանը տվեց համապատասխան ցուցումներ կապված մասնավորապես տարհանման պլանների հետ: Առաջարկներ կատարվեցին համագործակցությունն առավել արդյունավետ դարձնել, և պայմանավորվածություն ձեռք բերվեց առաջիկայում կազմակերպել եռակողմ հանդիպում ՀՀ զինված ուժերի, արտակարգ իրավիճակները համակարգող կազմակերպությունների և տեղական ինքնակառավարման մարմինների ներկայացուցիչների միջև: