Տավուշի մարզպետի աշխատակազմ

  ՀՀ կառավարության կողմից իրականացվող՝ դպրոցականների ամառային հանգստի կազմակերպման ծրագրի շրջանակներում այսօր առավոտյան Տավուշի մարզպետարանի մոտից Հանքավանի ,,Լուսաբաց,, ճամբար մեկնեց մարզի զոհված, հաշմանդամ դարձած զինծառայողների և աշխարհազորայինների, ծնողազուրկ ու սակավ ապահովված, բազմազավակ ընտանիքների 7-13 տարեկան երեխաների առաջին խումբը: Առաջին հերթափոխով հանգստի մեկնեց 60 դպրոցական: Երկրորդ հերթափոխով ճամբար կմեկնի 80 երեխա: Երրորդ հերթափոխում ևս նախատեսված է 80 երեխայի հանգիստ: Երեխաներին ճամբար ճանապարհեցին մարզպետարանի պատասխանատուներ, համայնքների ղեկավարներ, ծնողներ ու հարազատներ՝ մաղթելով նրանց հետաքրքիր ու բովանդակալից ճամբարային օրեր: Դպրոցականների անվտանգ տեղափոխումն ապահովում էին ճանապարհային ոստիկանության աշխատակիցները: