Տավուշի մարզպետի աշխատակազմ

 Հունիսի 1-ը Երեխաների պաշտպանության միջազգային օրն է: Երեխաների պաշտպանության միջազգային օրը սահմանվել է 1925թ. Ժնևում հրավիրված համաշխարհային կոնֆերանսի ընթացքում: 1949թ. Կանանց ժողովրդավարական միջազգային դաշինքը երեխաների պաշտպանության օր անցկացնելու որոշում է ընդունել: Առաջին անգամ հունիսի 1-ը նշվել է որպես Երեխաների պաշտպանության միջազգային օր 1950թ.: Հայաստանը Երեխաների իրավունքների մասին կոնվենցիան վավերացրել է 1992թ., որից հետո 1996թ. ընդունվել է «Երեխայի իրավունքների մասին» ՀՀ օրենքը: Ամեն տարի հունիսի 1-ին երեխաների տոնին նվիրված տարբեր միջոցառումներ են կազմակերպվում Տավուշի մարզում` երեխաների օրը դարձնելով ավելի գունեղ ու հիշարժան: Այս տարի էլ հունիսի 1-ը տոնական միջոցառումների պակաս չունեցավ մարզկենտրոն Իջևանում: