Տավուշի մարզպետի աշխատակազմ

Այսօր առավոտից <<Մաքուր Հայաստան>> ծրագրի շրջանակներում անցկացվող համապետական շաբաթօրյակի աշխատանքներին մարզի տարբեր համայնքներում հետևում և անձամբ մասնակցում է նաև ՀՀ Տավուշի մարզպետ Հովիկ Աբովյանը: Նոյեմբերյան քաղաքում մարզպետը մասնակցել է քաղաքային զբոսայգու բարեկարգման աշխատանքներին, զրուցել շաբաթօրյակի մասնակիցների հետ, ծանոթացել կատարվող աշխատանքների ընթացքին: Օրվա ընթացքում մարզպետն արդեն եղել է նաև Այրում քաղաքում, Պտղավան, Բագրատաշեն, Հաղթանակ բնակավայրերում: Բոլոր տեղերում նա իր մասնակցությունն է բերել շաբաթօրյակի աշխատանքներին, այնուհետև շրջել է բակերով, հանդիպումներ ունեցել բնակիչների հետ: Պտղավանում մարզպետ Հովիկ Աբովյանը մասնակցել է շրջանավարտների կողմից կատարվող ավանդական ծառատունկին, որն այս տարի հետաքրքիր զուգադիպությամբ համընկել է համապետական շաբաթօրյակի օրվա հետ: Այս պահին շարունակվում են մարզպետ Հովիկ Աբովյանի այցելություններն այլ համայնքներ: