Տավուշի մարզպետի աշխատակազմ

 Համաձայն ՀՀ աշխատանքի և սոցիալական հարցերի նախարարության զբաղվածության պետական գործակալության Իջևանի, Դիլիջանի, Բերդի և Նոյեմբերյանի զբաղվածության տարածքային կենտրոնների կողմից ստացված տեղեկատվության, 2017թ. մայիսի 1-ի դրությամբ Տավուշի մարզում հաշվառված է 6407 աշխատանք փնտրող անձ /Իջևան՝ 2158, Դիլիջան՝ 2229, Բերդ՝ 864, Նոյեմբերյան՝ 1156/: Զբաղվածության տարածքային կենտրոնների և մարզպետարանի աշխատակազմի կողմից գործատուների հետ տարված աշխատանքների արդյունքում նրանցից 137-ը տեղավորվել են աշխատանքի:    Հաշվառվածներից 42-ը աշխատանք փնտրող հաշմանդամներ են:
 Ըստ զբաղվածության կենտրոնների տրամադրած տեղեկատվության, մարզում հաշվառված է 5099 գործազուրկ, որից 4153-ը կանայք են: