Տավուշի մարզպետի աշխատակազմ

 Սիրելի հայրենակիցներ, սրտանց շնորհավորում եմ Ձեզ Մայիսի 1-ի՝ Աշխատանքի օրվա կապակցությամբ: Հայ ժողովուրդը միշտ սիրով ու ջերմությամբ է նշում այս տոնը՝ լավ իմանալով ու գնահատելով աշխատանքի ու աշխատավոր մարդու դերը մեր կյանքում: Աշխատանքով է հայ մարդը դարեր շարունակ ստեղծել իր տունը, բարիք արարել ու շենացրել իր երկիրը: Սահմանամերձ Տավուշի մարզի զարգացման հիմնական ուղղությունը գյուղատնտեսությունն է, ուստի տոնի առթիվ առանձնակի ուզում եմ շնորհավորել մեր հողի մշակին ու աշխատավորին, մաղթել բարեբեր ու խաղաղ աշխատանքային տարի:
 Սիրելի տավուշցիներ, մեկ անգամ ևս շնորհավորելով մայիսմեկյան տոնի կապակցությամբ՝ արժանապատիվ աշխատանք, առողջություն, երջանկություն ու բարեկեցություն եմ մաղթում ձեր ընտանիքներին՝ ի շահ մեր երկրի զարգացման ու առաջընթացի: