Տեղեկատվական կենտրոն
Նորություններ
Տեղի ունեցավ ,,ՀիմնաՏավուշ,, զարգացման հիմնադրամի հոգաբարձուների խորհրդի վեցերորդ ժողովը
31.03.2017
![](http://tavush.mtad.am/files/n_pics/12460_s.jpg)
Այսօր Տավուշի մարզպետարանում տեղի ունեցավ ,,ՀիմնաՏավուշ,, զարգացման հիմնադրամի հոգաբարձուների խորհրդի վեցերորդ ժողովը, որին մասնակցում էին Տավուշի մարզպետի տեղակալ Լևոն Սարգսյանը, ,,Հայաստան,, համահայկական հիմնադրամի փոխտնօրեն Արարատ Խլղաթյանը, խորհրդի անդամները: Ժողովը բացեց Տավուշի մարզպետ, հոգաբարձուների խորհրդի անդամ Հովիկ Աբովյանը: Այնուհետև ժողովի մասնակիցներին ողջունեց ,,ՀիմնաՏավուշ,, զարգացման հիմնադրամի հոգաբարձուների խորհրդի նախագահ Պետրոս Թերզյանը և ներկայացրեց օրակարգը: Օրակարգի առաջին հարցով ,,ՀիմնաՏավուշ,, զարգացման հիմնադրամի տնօրեն Սուրեն Գևորգյանը հանդես եկավ 2016 թվականին կատարած աշխատանքների մասին հաշվետվությամբ՝ անդրադառնալով թե բացթողումներին և թե ձեռքբերումներին ու անելիքներին: Նշվեց, որ 2016թ. մեծացել է անասունների գլխաքանակը, իսկ տարվա վերջին չորս ամիսներին ավելացել է կաթնատու կովերի թիվը, բարելավվել է կաթնամթերքի և արտադրությունը, և վաճառքը: Տարվա ընթացքում 6 մինի ֆերմաներին ավելացել է ևս մեկը, որը կառուցվել է Կողբում: Սուրեն Գևորգյանը անդրադարձավ նաև 2017 թվականի առաջնահերթություններին՝ նշելով, որ 2017-ի առաջնահերթություններից պիտի լինեն աջակցությունը մինի ֆերմաներին, արտադրության և արտահանման ծավալների մեծացումը, նոր ֆերմաների ստեղծումը: Մարզպետ Հովիկ Աբովյանը կարևորեց մինի ֆերմաների ավելացումը թե նոր աշխատատեղերի ստեղծման և թե արտադրության զարգացման տեսանկյունից: Օրակարգի հաջորդ հարցով ներկայացվեց 2017 թվականի բյուջեն, որը քննարկելուց և որոշակի առաջարկություններից հետո հաստատվեց խորհրդի կողմից: Ժողովի ընթացքում քննարկվեցին նաև <<ՀիմնաՏավուշ>> զարգացման հիմնադրամի գործունեությանը առնչվող մի շարք այլ ծրագրային ու կազմակերպական հարցեր ևս: