Տեղեկատվական կենտրոն
Նորություններ
Իջևանի երաժշտական դպրոցում իրականացվեց դաշնամուրների մոնիթորինգ
16.03.2017
Հայաստանի Հանրապետության մշակույթի նախարարության նախաձեռնությամբ իրականացվող <<Երաժշտական և արվեստի դպրոցներում երաժշտական գործիքների (դաշնամուր) տեխնիկական սպասարկում (լարում, վերանորոգում)>> ծրագրի շրջանակներում մարտի 15-17-ը հանրապետության Գավառ, Իջևան, Վանաձոր, Արարատ քաղաքներում Երևանից ժամանած առաջատար մասնագետներն իրականացնում են երաժշտական և արվեստի դպրոցներում առկա դաշնամուրների մոնիթորինգ: Իջևանի երաժշտական դպրոցում մոնիթորինգի օր էր մարտի 15-ը: Մոնիթորինգն իրականացրեց ոլորտի ճանաչված մասնագետ Խաչատուր Հաջի-Հակոբյանը: Մասնագետի այցելության ընթացքում կազմակերպվեցին նաև ուսումնամեթոդական և գործնական աշխատանքներ տեղի մասնագետների հետ: