Տեղեկատվական կենտրոն
Նորություններ
Անցում համընդհանուր ներառական կրթության
26.01.2017
Այսօր Տավուշի մարզպետարանում մարզպետի տեղակալ Լևոն Սարգսյանն ընդունեց <<Հույսի կամուրջ>> հասարակական կազմակերպության նախագահ Սուսաննա Թադևոսյանին և ծրագրերի համակարգող Հռիփսիմե Նազարեթյանին: Հանդիպմանը ներկա էր Տավուշի մարզպետարանի աշխատակազմի կրթության, մշակույթի և սպորտի վարչության պետ Կարեն Նազարյանը: Քննարկվեցին <<Հույսի կամուրջ>> ՀԿ-ի եւ դանիական <<Առաքելություն Արեւելք>> միջազգային կազմակերպության կողմից իրականացվող <<Միասին ապրել, միասին սովորել. որակյալ ներառական կրթություն ստանալու երեխայի իրավունքը>> ծրագրի շրջանակներում կատարված աշխատանքներին առնչվող հարցեր: Ներկայացվեց, որ ծրագրի շրջանակներում 2016 թվականի նոյեմբեր-դեկտեմբեր ամիսներին մարզի հանրակրթական դպրոցների 2056 մանկավարժներ և մանկավարժահոգեբանական թիմի 188 անդամներ հաջողությամբ վերապատրաստման դասընթաց են անցել և պատրաստ են անցնելու աշխատանքի: Իսկ անցումը համընդհանուր ներառական կրթության Տավուշի մարզում տարեսկզբից արդեն մեկնարկել է: Հանդիպման ընթացքում անդրադարձ եղավ նաև ծրագրի շրջանակներում իրականացվելիք առաջիկա անելիքներին: