Տավուշի մարզպետի աշխատակազմ

 Այսօր ՀՀ Տավուշի մարզպետ Հովիկ Աբովյանն ընդունեց Հայաստանի Հանրապետությունում Կարմիր խաչի միջազգային կոմիտեի պատվիրակությանը, որի կազմում էին պատվիրակության ղեկավար Կարոլին Դույեզը, ծրագրերի համակարգող Քրիստոֆեր Հերթը, պաշտպանական բաժնի համակարգող Զուրաբ Բուրդուշին: Հանդիպմանը ներկա էր Տավուշի մարզպետի տեղակալ Լևոն Սարգսյանը: Ողջունելով հյուրերին՝ մարզպետ Հովիկ Աբովյանը բարձր գնահատեց Կարմիր խաչի կողմից իրականացվող աշխատանքները մարզում և շնորհակալություն հայտնեց կազմակերպությանը մարդկանց կյանքի ու անվտանգության ապահովմանն ուղղված նրանց ջանքերի համար: Մարզպետը հյուրերին ներկայացրեց նաև տարբեր միջոցներով սահմանամերձ համայնքներում իրականացվող ծրագրերը: Իր հերթին Կարոլին Դույեզը շնորհակալություն հայտնեց մարզպետին ընդունելության համար, որից հետո կողմերը մանրամասն քննարկեցին մարզի սահմանամերձ համայնքներում անվտանգության պատերի կառուցմանը վերաբերող հարցեր: Հանդիպման ընթացքում անդրադարձ եղավ նաև սահմանամերձ համայնքների սոցիալապես անապահով և խոցելի ընտանիքների խնդիրներին, դրանց համատեղ լուծում տալու հարցերին: