Տավուշի մարզպետի աշխատակազմ

  Այսօր Տավուշի մարզպետարանի ուսումնական կենտրոնում տեղի ունեցավ սոցիալական աշխատողի օրվան նվիրված հանդիպում-քննարկում, որը նախաձեռնել էր մարզպետարանի առողջապահության և սոցիալական ապահովության վարչությունը Վորդ Վիժն միջազգային բարեգործական կազմակերպության մարզային գրասենյակի աջակցությամբ: Մասնակցում էին սոցիալական ոլորտի պատասխանատուներ, գործընկեր կազմակերպությունների ներկայացուցիչներ: Միջոցառումը ողջույնի խոսքով բացեց մարզպետի տեղակալ Լևոն Սարգսյանը: Իր և Տավուշի մարզպետ Հովիկ Աբովյանի անունից շնորհավորելով մասնագիտական տոնի կապակցությամբ, նա նշեց, որ շատ կարևոր ու պատասխանատու աշխատանք է այսօր իրականացնում սոցիալական աշխատողը՝ նպատակ ունենալով օգնել սոցիալական խնդիրների մեջ հայտնված մարդուն  ու լուծում տալ նրա խնդիրներին: Մարզպետի տեղակալը շնորհակալություն հայտնեց տարիների համատեղ ու նպատակաուղղված թիմային աշխատանքի համար, որի արդյունքում այսօր բազմաթիվ հաջողություններ կան գրանցված ոլորտում: Ակնառու են հաջողությունները հատկապես ներառական կրթության ներդրման ուղղությամբ: Իր խոսքը Լևոն Սարգսյանն ավարտեց բարեմաղթանքով՝ ցանկանալով բոլորին նորանոր հաջողություններ ու ձեռքբերումներ մեծ նվիրում ու պատասխանատվություն պահանջող իրենց աշխատանքում, հավաստիացնելով, որ համագործակցությունը շարունակվելու է, և մարզպետարանը այդ համագործակցության մեջ մնալու է որպես ակտիվ գործընկեր: Շնորհավորանքի խոսքեր ասացին նաև մարզպետարանի աշխատակազմի առողջապահության և սոցիալական ապահովության վարչության պետ Լևոն Վանցյանը, ,,Հույսի կամուրջ,, ՀԿ-ի Իջևանի մասնաճյուղի տնօրեն Արմինե Ներսիսյանը, Վորդ Վիժն միջազգային բարեգործական կազմակերպության Տավուշի մարզի երեխաների պաշտպանության և կրթության ծրագրերի համակարգող Կարո Կարապետյանը: Այնուհետև ներկայացվեցին վերջին վեց ամիսների ընթացքում Վորդ Վիժնի կողմից իրականացված աշխատանքները, հաջողված պատմությունները: