Տավուշի մարզպետի աշխատակազմ

  Այսօր Տավուշի մարզպետարանի ուսումնական կենտրոնում տեղի ունեցավ աշխատանքային հանդիպում, որին մասնակցում էին մարզպետարանի աշխատակազմի համապատասխան ստորաբաժանման, հասարակական կազմակերպությունների, սոցիալական ոլորտի ներկայացուցիչներ, մանկավարժներ ու հոգեբաններ: Հանդիպումն անցկացրեց Ազգային ինստիտուտի սոցիալական աջակցության բաժնի գլխավոր մասնագետ Վարդիթեր Ավուշյանը: Հանդիպման ընթացքում ծավալվեց ակտիվ քննարկում երեխայի հանդեպ բռնության նախնական նույնացման ցուցանիշների շուրջ: Խոսելով երեխայի հանդեպ բռնության տեսակների մասին, այն է՝ ֆիզիկական բռնություն, հոգեբանական բռնություն, սեռական բռնություն և անտեսում, բանախոսը ներկաների ուշադրությունը հրավիրեց շարունակական նպատակաուղղված բռնության վրա: Առանձին-առանձին ներկայացվեցին թե բռնության տեսակները և թե դրանց նախնական նույնացման ցուցանիշները: Ներկաները դրանց վերաբերյալ հանդես եկան իրենց լրացումներով, դիտողություններով ու առաջարկներով: