Տեղեկատվական կենտրոն
Նորություններ
Տավուշի մարզը մասնակցել է «Արմպրոդէքսպո» ցուցահանդեսին
24.10.2016
Հոկտեմբերի 21-ին, Երեւանի մաթեմատիկական մեքենաների գիտահետազոտական ինստիտուտի «Երեւան Էքսպո» ցուցահանդեսային համալիրում տեղի է ունեցել ամենամյա «Արմպրոդէքսպո» մասնագիտացված ցուցահանդեսը, որի նպատակն է ներկայացնել գյուղատնտեսական արտադրության, գյուղատնտեսական հումք վերամշակող արդյունաբերության հնարավորությունները, գնահատել սեփական արտադրանքի մրցունակությունը, ընդլայնել արտահանման հնարավորությունները, հաստատել գործարար կապեր, այցելուներին եւ հյուրերին ցուցադրել բարձրորակ գյուղատնտեսական եւ պարենային ապրանքի տեսականին: Ցուցահանդեսի բացման հանդիսավոր արարողությանը ներկա են եղել և տաղավարներով շրջել են ՀՀ նախագահ Սերժ Սարգսյանը և ՀՀ վարչապետ Կարեն Կարապետյանը: Ցուցահանդեսին առանձին տաղավարով մասնակցել է նաև Տավուշի մարզն իր գյուղատնտեսական մթերք վերամշակող արտադրության գրեթե բոլոր ճյուղերի ներկայացուցիչների հետ միասին: