Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ստորագրվել է բարեկամության հուշագիր
11.10.2016
Հոկտեմբերի 10-ին Տավուշի մարզի Ենոքավան համայնքում բարեկամության հուշագիր է ստորագրվել Ֆրանսիայի Վիլքրոզ համայնքի ղեկավար Ռոլանդ Բալբիսի և Ենոքավան համայնքի ղեկավար Անդրանիկ Չիբուխչյանի միջև: Փաստաթղթի ստորագրման արարողությանը ներկա են եղել Հայաստանի Հանրապետությունում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն, Տավուշի մարզպետի տեղակալ Լևոն Սարգսյանը, մարզպետի խորհրդական Աղաբեկ Գալստյանը, ՀՀ ԱԻՆ ՓԾ տնօրենի տեղակալ, փ/ծ գեներալ-մայոր Նիկոլայ Գրիգորյանը, Վիլքրոզ համայնքի ավագանու անդամներ, բազմաթիվ այլ հյուրեր: <<…Երկու վարչական շրջանների նպատակն է՝ ըստ իրենց կարողությունների, փոխանակումների, մասնագիտական փորձի և ցանկացած այլ միջոցների շնորհիվ, համագործակցել երկու համայնքների տնտեսությունների, հատկապես տուրիզմի ոլորտի զարգացման ուղղությամբ՝ ուշադրությունը կենտրոնացնելով համայնքների կայուն զարգացմանը, բնակչության և շրջակա միջավայրի անվտանգության պահպանման հիմնախնդիրներին>>,- գրված է հուշագրում: Հուշագրի ստորագրումը ողջունել են Հայաստանի Հանրապետությունում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն և Տավուշի մարզպետի տեղակալ Լևոն Սարգսյանը: Ֆրանսիացի բարեկամները Ենոքավան համայնքին են նվիրել ՓԾ ժամանակակից գույք, որի հիմքի վրա համայնքում կստեղծվի ՓԾ կամավորական խումբ: Բարեկամ համայնքների ղեկավարները Ենոքավանում նաև ծաղկեպսակ են դրել Մեծ հայրենականի և Արցախյան ազատամարտի զոհերի հիշատակը հավերժացնող հուշարձանին:
