Տեղեկատվական կենտրոն
Նորություններ
Տոնական արարողություններն սկսվել են Հանրապետական մաղթանքով
21.09.2016
Անկախության տոնի միջոցառումների շարքը Տավուշի մարզկենտրոն Իջևանում սկսվել է տոնի նախօրեին՝ սեպտեմբերի 20-ի երեկոյան՝ Իջևանի Սբ. Ներսես Շնորհալի եկեղեցում կատարված Հանրապետական մաղթանքով: Հայաստանի Հանրապետության 25-րդ տարեդարձին նվիրված Հանրապետական մաղթանքի արարողությանը ներկա է եղել ՀՀ Տավուշի մարզպետ Հովիկ Աբովյանը: Հանրապետական մաղթանքը մատուցել է Իջևանի Սբ. Ներսես Շնորհալի եկեղեցու հոգևոր հովիվ Տեր Սիմեոն քահանա Առաքելյանը: Աղոթք է բարձրացվել առ Աստված հանուն խաղաղության, անսասանության, շենության ու համերաշխության, ինչպես նաև օրհնության խոսքեր են հնչել պետական ավագանու, բանակի և ժողովրդի համար: