Տավուշի մարզպետի աշխատակազմ

 Այսօր Տավուշի մարզում գործող 81 հանրակրթական դպրոցները նոր ուսումնական տարվա առաջին օրն սկսեցին Գիտելիքի օրվան նվիրված տոնական հանդիսություններով: Տոնական միջոցառումները բազմամարդ էին: Դրանց մասնակցում էին նաև Տավուշի մարզպետարանի, համայնքապետարանների ներկայացուցիչներ:
 2016-2017 ուստարում նախորդ տարվա համեմատ մարզի դպրոցներում կանխատեսվում է թե առաջին դասարանցիների, թե դասարանների և թե աշակերտաքանակի ընդհանուր թվի աճ: Նախորդ ուսումնական տարվա սեպտեմբերի 1737 առաջին դասարանցիների համեմատ այս տարվա առաջին դասարանցիների թվաքանակի նախնական տվյալը 1792 է, դասարանների թիվ` 882-ի դիմաց 886, իսկ աշակերտաքանակը`15014-ի դիմաց 15421: