Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ծրագրի շրջանակներում իրականացվեց ֆոկուս խմբային ուսումնասիրություն
25.08.2016
ՀՀ աշխատանքի և սոցիալական հարցերի նախարարության ենթակայությամբ գործող <<Աշխատանքի և սոցիալական հետազոտությունների ազգային ինստիտուտ>> ՊՈԱԿ-ը <<Ժողովրդագրական քաղաքականության ազդեցությունների վերլուծություն և գնահատում>> ծրագրի շրջանակներում, պետական պատվերով, իրականացնում է <<Աջակցություն ՀՀ ժողովրդագրական իրավիճակի բարելավման 2016-2018 թվականների ազգային ծրագրին>> հետազոտությունը, որի նպատակն է ուսումնասիրել ՀՀ բնակչության շրջանում առկա բնակարանային կարիքները, վեր հանել եղած խնդիրները և նպաստել դրանց լուծման կառուցակարգերի մշակմանը: Հետազոտության շրջանակներում այսօր Տավուշի մարզպետարանի ուսումնական կենտրոնում տեղի ունեցավ Իջևան քաղաքում բնակարանային պահանջարկի բացահայտման վերաբերյալ ֆոկուս խմբային ուսումնասիրություն: Հանդիպմանը մասնակցում էին մարզպետարանի վարչությունների աշխատակիցներ, համայնքների, սոցիալական աջակցության տարածքային գործակալության, հասարակական կազմակերպությունների ներկայացուցիչներ: Ներկաներին ողջունեց Տավուշի մարզպետարանի աշխատակազմի առողջապահության և սոցիալական ապահովության վարչության գլխավոր մասնագետ Նարինե Ճաղարյանը: Այնուհետև <<Աշխատանքի և սոցիալական հետազոտությունների ազգային ինստիտուտ>> ՊՈԱԿ-ի աշխատակիցներ Անի Ասլանյանը և Լիլիթ Սիմոնյանը ներկայացրին հարցաթերթի բովանդակությունն ու ծանոթացրին նրա լրացման կարգի հետ: Հանդիպման մասնակիցները ներկայացրին նաև քննարկման հետ կապված իրենց նկատառումները:
