Տեղեկատվական կենտրոն
Նորություններ
Ներկայացվեց Ստարտափ ծրագիրը
17.08.2016
Այսօր Տավուշի մարզպետարանի ուսումնական կենտրոնում տեղի ունեցավ Ստարտափ ծրագրի շնորհանդեսը, որին մասնակցում էին Տավուշի մարզպետարանի աշխատակիցներ, երիտասարդական ու հասարակական կազմակերպությունների ներկայացուցիչներ: Միջոցառումը բացեց ՀՀ Տավուշի մարզպետի օգնական Գևորգ Ազատյանը, որից հետո ծրագրի ղեկավար Սերգեյ Գասպարյանը մանրամասն ներկայացրեց ծրագիրը: Նշվեց, որ ծրագիրը բաց է ցանկացած բիզնես գաղափարի համար, և հետաքրքրվողները կարող են ներկայանալ իրենց նախընտրած բիզնես գաղափարով: Տեղեկացվեց, որ հայտերի ընդունումն ընթացքի մեջ է և կավարտվի օգոստոսի 22-ին: Սերգեյ Գասպարյանը ծանոթացրեց նաև հայտերի լրացման կարգին: Միջոցառման ավարտին նա պատասխանեց նաև ներկաներին հետաքրքրող հարցերին: