Տավուշի մարզպետի աշխատակազմ

  Այսօր` օգոստոսի 16-ին, Հանքավանի <<Լուսաբաց>> ճամբարից վերադարձավ Տավուշի մարզից այնտեղ հանգստացող դպրոցականների վերջին` 3-րդ հերթափոխը: Տավուշի մարզպետարանի հարակից տարածքում նրանց դիմավորելու էին հավաքվել մարզպետարանի աշխատակազմի ներկայացուցիչներ, ծնողներ ու հարազատներ: Ավտոբուսից իջնելով` երեխաներն առաջինը պատմում էին ճամբարային իրենց հետաքրքիր առօրյայից, ճամբարի աշխատակիցների ջերմ ու հոգատար վերաբերմունքից: Տավուշի մարզպետարանի առողջապահության և սոցիալական ապահովության վարչության գլխավոր մասնագետ Նարինե Ճաղարյանի տեղեկացմամբ ՀՀ կառավարության ծրագրով և Տավուշի մարզպետարանի աջակցությամբ այս տարի զոհված, հաշմանդամ դարձած զինծառայողների, ծնողազուրկ և սակավ ապահովված բազմազավակ ընտանիքների 7-13 տարեկան 220 դպրոցականներ են իրենց ամառային հանգիստն անցկացրել ճամբարում: Ճամբարականներին մարզպետարանի շենքի մոտից հանգստի են ճանապարհել Տավուշի մարզպետարանի աշխատակազմի պատասխանատուներ: Իսկ ամառային հանգստի մեկնող և հանգստից վերադարձող երեխաների անվտանգ տեղափոխումն ապահովել են ճանապարհային ոստիկանության աշխատակիցները: