Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Հաղթեցին Բերդի վետերանները

05.08.2016

 Հայաստանի շախմատի ակադեմիայի նախաձեռնությամբ և Տավուշի մարզպետարանի աջակցությամբ այսօր Իջևանի թիվ 1 հիմնական դպրոցում անցկացվեց Տավուշի մարզի վետերանների շախմատի թիմային առաջնությունը, որին մասնակցում էին մարզի քաղաքների ուժեղագույն շախմատիստները: Տեղեկացնենք, որ մրցաշարն անց է կացվում երկու փուլով` տարածաշրջանային և մարզային: Առաջին` տարածաշրջանային փուլը անց է կացվել հունիսի 21-22-ը, որի հաղթողներն էլ դուրս են եկել մարզային փուլ: Մարզային փուլում պայքարն անցավ շատ լարված: Արդյունքում հաղթանակի բերկրանքը վայելեցին Բերդ քաղաքը ներկայացնող շախմատիստները, ովքեր էլ իրավունք նվաճեցին մասնակցելու Երևանում կայանալիք ՀՀ վետերանների շախմատի թիմային առաջնությանը: 2-րդ և 3-րդ տեղերը համապատասխանաբար գրավեցին Իջևանի և Դիլիջանի թիմերը: Հաղթող թիմերը պարգևատրվեցին Տավուշի մարզպետ, մարզի շախմատի ֆեդերացիայի նախագահ Հովիկ Աբովյանի կողմից նախատեսված պատվոգրերով, թանկարժեք նվերներով ու մեդալներով:


 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-10-16 12:37:22