Տեղեկատվական կենտրոն
Նորություններ
Քննարկում <<Հայաստանի Հանրապետությունում մարդկանց թրաֆիքինգի և շահագործման դեմ պայքարի ոլորտի օրենսդրությունը և իրավակիրառ պրակտիկան>> թեմայով
22.07.2016
Այսօր Տավուշի մարզպետարանի ուսումնական կենտրոնում տեղի ունեցավ քննարկում, որին մասնակցում էին ՀՀ Տավուշի մարզպետարանի, Իջևանի քաղաքապետարանի, ոստիկանության, զբաղվածության պետական ծառայության գործակալության Իջևանի կենտրոնի, հասարակական կազմակերպությունների ներկայացուցիչներ: Քննարկման թեման էր <<Հայաստանի Հանրապետությունում մարդկանց թրաֆիքինգի և շահագործման դեմ պայքարի ոլորտի օրենսդրությունը և իրավակիրառ պրակտիկան>>: Թեմայի շրջանակներում ՀՀ քննչական կոմիտեի ներկայացուցիչ Դավիթ Թումասյանը մանրամասն ներկայացրեց մարդկանց թրաֆիքինգի և շահագործման դեմ պայքարի ոլորտի օրենսդրությունը գործողության մեջ: Այնուհետև ՀՀ աշխատանքի և սոցիալական հարցերի նախարարության աշխատակից Էլեոնորա Վիրապյանը խոսեց մարդկանց թրաֆիքինգի կամ շահագործման ենթարկված անձանց նույնացման գործընթացի, աջակցության չափերի ու առանձնահատկությունների մասին: ՀՀ ոստիկանության ներկայացուցիչ Արտյոմ Պողոսյանը անդրադարձավ մարդկանց թրաֆիքինգի և շահագործման զոհերի նույնացման և պաշտպանության հարցին, իսկ <<Հույս և օգնություն>> հասարակական կազմակերպությունը ներկայացնող Նորա Մնացականյանը` մարդկանց թրաֆիքինգի և շահագործման զոհերի նույնացման, աջակցության և պաշտպանության հարցում հասարակական կազմակերպությունների դերին ու պետական կառավարման մարմինների հետ համագործակցությանը: Քննարկման մասնակիցները ներկայացրին իրենց տեղական փորձը: Իսկ քննարկումն անցավ հարց ու պատասխանի ակտիվ մթնոլորտում: