Տավուշի մարզպետի աշխատակազմ

  Մեկնարկեց դպրոցականների ամառային հանգստի կազմակերպման շրջանը հայաստանյան ճամբարներում: Այսօր առավոտյան Տավուշի մարզի 7-13 տարեկան երեխաների 60 հոգանոց առաջին հերթափոխը մարզպետարանի մոտից մեկնեց Հանքավանի <<Լուսաբաց>> ճամբար, որտեղ երեխաները կհանգստանան 20 օր: Ճամբարականների խմբում ընդգրկված էին սոցիալապես անապահով ընտանիքների, զոհված, հաշմանդամ դարձած զինծառայողների, բազմազավակ ընտանիքների երեխաներ: Դպրոցականներին ամառային հանգստի ճանապարհեցին Տավուշի մարզպետարանի աշխատակազմի կրթության, մշակույթի և սպորտի վարչության պետ Կարեն Նազարյանն ու առողջապահության և սոցիալական ապահովության վարչության գլխավոր մասնագետ Նարինե Ճաղարյանը, ծնողներ, համայնքների ղեկավարներ` մաղթելով նրանց ուրախ ու անմոռանալի ճամբարային օրեր: Երեխաներին ճամբար տեղափոխող ավտոբուսը Հանքավան ուղևորվեց ճանապարհային ոստիկանության մեքենաների ուղեկցությամբ: