Տավուշի մարզպետի աշխատակազմ

Այսօր Տավուշի մարզպետարանում հերթական աշխատանքային հանդիպումն էր Օքսֆամ կազմակերպության հայաստանյան գրասենյակի և Օքսեջեն հիմնադրամի ներկայացուցիչների հետ: Հանդիպմանը մասնակցում էր մարզպետարանի աշխատանքային խումբը աշխատակազմի ղեկավար Սվետլանա Դավթյանի գլխավորությամբ և Օքսֆամի ներկայացուցիչները՝ հայաստանյան գրասենյակի տնօրեն Մարգարիտա Հակոբյանի ղեկավարությամբ: Հանդիպման հիմնական նպատակն էր ներկայացնել այն ծրագրերը, որոնք նախատեսվում են առաջիկա տարվա ընթացքում իրականացնել Տավուշի մարզում: Մասնավորապես շարունակվելու են տնտեսության ոլորտում զարգացման ծրագրերը և աղետների ռիսկի նկատմամբ համայնքների դիմակայունության բարձրացմանն ուղղված ծրարգրերը: Միևնույն ժամանակ Օքսֆամի և Օքսեջենի ներկայացուցիչները տեղեկացրին, որ առաջիկայում կլինի ծրագրերի ներկայացում ավելի մեծ լսարանի համար, ինչպես նաև անելիքների հուշագրի ստորագրում մարզպետարանի հետ: Աշխատակազմի ղեկավար Սվետլանա Դավթյանը Տավուշի մարզպետ Հովիկ Աբովյանի անունից շնորհակալություն հայտնեց կազմակերպության ներկայացուցիչներին Տավուշի մարզում ծրագրերի իրականացման համար և համոզմունք հայտնեց, որ առաջիկա համագործակցությունը նույնպես արդյունավետ կլինի: