Տավուշի մարզպետի աշխատակազմ

 Այս օրերին սահմանամերձ Տավուշի մարզի բնակչությունը ևս անհանգիստ է Արցախում տիրող պատերազմական իրավիճակով, և այսօր յուրաքանչյուր տավուշցու ցանկությունն է ինչ-որ ձևով սատարել առաջնագծում կռվող մեր զինվորներին: Տավուշցիների այդ հայրենասիրական ցանկությունը կյանքի կոչվեց Տավուշի մարզպետարանի կրթության, մշակույթի ու սպորտի վարչության և Հայաստանի երիտասարդական հիմնադրամի Տավուշի մարզային կենտրոնի կողմից: Կարճ ժամանակում մարզի բոլոր դպրոցները, անհատ ձեռներեցներ, երիտասարդներ ու շարքային քաղաքացիներ մասնակցեցին <<Աջակցություն սահմանապահ զինվորներին>> ծրագրին: Չորս օր շարունակ չէր դադարում մթերքներով, դեղորայքով և այլ անհրաժեշտ պարագաներով բեռնված մեքենաների հոսքը ՀԵՀ Տավուշի մարզային կենտրոն, որտեղ դրանք կենտրոնի կամավորների կողմից փաթեթավորվում և տեղավորվում էին դեպի Արցախ ուղևորվող մեքենաներում: