Տեղեկատվական կենտրոն
Նորություններ
Տավուշի մարզպետը մարզի Զորական համայնքում անց է կացրել արտագնա խորհրդակցություն
01.04.2016
Այսօր Զորական համայնքում ՀՀ Տավուշի մարզպետ Հովիկ Աբովյանը անց է կացրել արտագնա խորհրդակցություն, որին մասնակցել են մարզպետի տեղակալներ Լևոն Սարգսյանը և Կարեն Ադամյանը, Նոյեմբերյանի տարածաշրջանի համայնքապետերը, ոստիկանության և պաշտպանության համապատասխան ստորաբաժանումների ղեկավարները: Խորհրդակցությունը վարել է մարզպետ Հովիկ Աբովյանը: Քննարկվել են քաղպաշտպանությանը և զորահավաքային խնդիրներին առնչվող հարցեր: Իր խոսքում մարզի ղեկավարը կարևորել է սահմանամերձ տարածաշրջանի համար բնակչության պաշտպանությունը, ինչպես նաև զորահավաքային առաջադրանքների կազմակերպումը, տվել է համապատասխան ցուցումներ, լսել է բոլոր առաջարկությունները, որոնց տեղում տրվել են համապատասխան լուծումներ: Խորհրդակցության ավարտից հետո բոլոր մասնակիցները մարզպետի ուղեկցությամբ տեղում ծանոթացել են ՔՊ համակարգի գործնական աշխատանքներին: