Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի ունեցավ ՀՀ Տավուշի մարզի զբաղվածության աջակցության մարզային հանձնաժողովի անդրանիկ նիստը
10.03.2016
Այսօր Տավուշի մարզպետարանում տեղի ունեցավ ՀՀ Տավուշի մարզի զբաղվածության աջակցության մարզային հանձնաժողովի անդրանիկ նիստը: Մասնակցում էին հանձնաժողովի անդամներ ՀՀ Տավուշի մարզպետի տեղակալ Լևոն Սարգսյանը, մարզպետարանի աշխատակազմի առողջապահության և սոցիալական ապահովության վարչության պետ Լևոն Վանցյանը, առողջապահության և սոցիալական ապահովության վարչության գլխավոր մասնագետ Նարինե Ճաղարյանը, ՀՀ ԱՍՀՆ Զբաղվածության պետական գործակալության Իջևանի զբաղվածության կենտրոնի տնօրեն Մեսրոպ Մխիթարյանը, ,,Հույսի կամուրջ,, ՀԿ-ի նախագահ Արմինե Ներսիսյանը: Հրավիրված էին ՀՀ ԱՍՀՆ Զբաղվածության պետական գործակալության Դիլիջանի զբաղվածության կենտրոնի տնօրեն Ռոբերտ Հովհաննիսյանը, Իջևանի և Դիլիջանի քաղաքապետարանների ներկայացուցիչներ Արարատ Պարոնյանը և Միշա Ժամհարյանը: Նիստը բացեց հանձնաժողովի նախագահ Լևոն Սարգսյանը: Օրակարգի առաջին հարցով հանձնաժողովի քարտուղար ընտրվեց Նարինե Ճաղարյանը: Օրակարգի երկրորդ հարցով քննարկվեցին մարզի Իջևան և Դիլիջան համայնքներում 2016 թվականի առաջին կիսամյակում վարձատրվող հասարակական աշխատանքների իրականացման ծրագրերը: Հաշվի առնելով նիստի ընթացքում ներկայացված առաջարկությունները, քննարկումների ընթացքում արված խմբագրական ուղղումները, կատարված փոփոխություններն ու լրացումները` որոշվեց հաստատել Իջևան համայնքի ներկայացրած ծրագիրը քաղաքի կենտրոնական զբոսայգու և Հայրենական մեծ պատերազմում զոհվածների հուշահամալիրի շրջակա տարածքների բարեկարգման և կանաչապատման աշխատանքների իրականացման վերաբերյալ, իսկ Դիլիջան համայնքի ներկայացրած ,,Քաղաքի ջրահեռացման կառուցվածքների մաքրում և վերանորոգում,, ծրագիրն ուղարկվեց վերախմբագրման:
