Տավուշի մարզպետի աշխատակազմ

,,Դե Ֆակտո,, ամսագրի աշխատակազմը դեկտեմբերի 24-ին մարզի Տավուշի սահմանամերձ Վազաշեն համայնքում էր: Այստեղ ամսագրի գլխավոր խմբագիր Մենուա Հարությունյանը Տավուշի մարզպետ Հովիկ Աբովյանին  հանձնեց «Տարվա մարդ» արձանիկը, որին այս տարի արժանացել են սահմանին ապրող գյուղացիները: Համայնքում հյուրերին ջերմությամբ ընդունեցին: ,,Դե ֆակտոյի,, խմբագրությունն ու նրա գործընկերները վազաշենցիների համար ամանորյա նվերներ էին պատրաստել, որոնք հանդիսավորությամբ հանձնեցին նրանց: Ողջույնի խոսք ասաց Տավուշի մարզպետ Հովիկ Աբովյանը: Նա շնորհակալություն հայտնեց ,,Դե ֆակտոյի,, աշխատակազմին հետաքրքիր նախաձեռնության համար և շնորհավորեց բոլորին գալիք Ամանորի ու Սուրբ ծննդյան տոների կապակցությամբ:
 

Լուսանկարները և տեղեկատվությունը՝ slaq.am