Տեղեկատվական կենտրոն
Նորություններ
Կողմերի միջև ստորագրվեց փոխըմբռնման Հուշագիր
08.12.2015
<<Նպաստում Հարավային Կովկասում աղետների ռիսկերի նկատմամբ համայնքների դիմակայունությանը>> ծրագրի շրջանակներում այսօր Տավուշի մարզպետարանում ստորագրվեց փոխըմբռնման Հուշագիր Տավուշի մարզում համայնքների դիմակայունության բարելավման ծրագրի վերաբերյալ: Հուշագիրը մշակվել է ծրագրի շրջանակներում համակողմանի համագործակցությունն ապահովելու նպատակով, և նրանում ներառվել են բոլոր համագործակցող կողմերը` ՀՀ Տավուշի մարզպետարանը, <<ՕքսԵՋեն>> հիմնադրամը, հաշմանդամություն ունեցող երեխաների և երիտասարդների <<Հույսի կամուրջ>> հասարակական կազմակերպությունը, Տավուշի մարզային փրկարարական վարչությունը, <<Ստեփանավանի <<Լոռէ>> փրկարար ջոկատ>> հասարակական կազմակերպությունը, Դիլիջան քաղաքի թիվ 2 և թիվ 4 հիմնական դպրոցները, Դիլիջանի Վախթանգ Անանյանի անվան թիվ 5 դպրոցը և Հովքի միջնակարգ դպրոցը: Ծրագիրն իրականացվում է Տավուշի մարզում ՕՔՍՖԱՄ-ի կողմից իրականացվող Աղետների ռիսկերի նվազեցման /ԱՌՆ/ ծրագրի շարունակականությունն ապահովելու նպատակով և հիմնական նպատակն է դպրոցներում անվտանգության մշակույթի ձևավորումը: Տավուշի մարզպետարանը և մարզային փրկարարական վարչությունը շահագրգռված են ծրագրի իրականացման գործում, քանի որ ծրագիրը կաջակցի այն ռազմավարությանը, որը Տավուշի մարզի համայնքներին և հաստատություններին հնարավորություն կտա ավելի արդյունավետ պատրաստվել, նվազեցնել աղետների ռիսկերը և դիմակայել աղետներին: Ծրագրի տևողությունը 6 ամիս է: Հուշագրի ստորագրման արարողությանը ներկա էին Տավուշի մարզպետի տեղակալ Կարեն Ադամյանը, <<ՕքսԵՋեն>> հիմնադրամի տնօրեն Ռուզաննա Ստեփանյանը, <<Հույսի կամուրջ>> հասարակական կազմակերպության նախագահ Սուսաննա Թադևոսյանը, <<Ստեփանավանի <<Լոռէ>> փրկարար ջոկատ>> հասարակական կազմակերպության նախագահ Արմեն Առաքելյանը, համագործակցող մյուս բոլոր կողմերի ներկայացուցիչները: