Տեղեկատվական կենտրոն
Նորություններ
Կատարված աշխատանքներն արժանացան հավանության
02.12.2015
Այսօր ,,Զբաղվածության պետական ծառայություն,, գործակալության Իջևանի զբաղվածության տարածքային կենտրոնում տեղի ունեցավ Տավուշի մարզում վարձատրվող հասարակական աշխատանքների կազմակերպման փորձնական ծրագրի իրականացումն ապահովող միջգերատեսչական հանձնաժողովի հերթական նիստը, որը վարեց ՀՀ աշխատանքի և սոցիալական հարցերի նախարարության զբաղվածության պետական գործակալության պետ Արտակ Մանգասարյանը: Քննարկվեցին ծրագրի շրջանակներում մարզի 14 համայնքում` Ազատամուտում, Ներքին Ծաղկավանում, Աչաջրում, Աճարկուտում, Լուսահովիտում, Սարիգյուղում, Խաշթառակում, Լուսաձորում, Սևքարում, Դիտավանում, Կիրանցում, Ակնաղբյուրում, Ծաղկավանում և Նորաշենում իրականացված աշխատանքների արդյունքները: Հանձնաժողովը հավանության արժանացրեց և դրական գնահատեց վերոնշյալ համայնքներում իրականացված ծրագրերը: